26 сәуір күні Шелек модельді ауылдық кітапханасыныңда «Чернобыль – жүректегі жазылмас жара» атты Чернобыль ардагерлерімен кездесу кеші өткізілді. Кешке Чернобыль ардагерлері, Шелек ауылдық округі әкімі аппаратының жастар ісі жөніндегі әдіскер – нұсқаушы М. Туғанбаева, өлкетану музейінің директоры Е. Дәркембаев, жазушылар одағының мүшесі, жергілікті ақын А. Бердібаевтар қатысты. Кеш барысында Чернобыль ардагерлері: Т. Садуақасов, М. Шаимов, С. Қалиев сөз сөйлеп, оқушыларға апат зардаптары туралы кеңінен мағлұмат берді.

Еңбекшіқазақ ауданы Қаракемер ауылдық кітапханасында 26- сәуір күні "Дамыған елдің болашағына сыбайлас жемқорлықсыз! " атты ақпараттық күн ұйымдастырылды. Бұл іс –шараны жүргізуші кітапхана қызметкері Ж. Наширбекова кітапханаға келген оқырмандарға сыбайлас жемқорлықка қарсы елімізде атқарылып жатқан жұмыстар жайлы мәліметтерді, нақты атқарылып жатқан жұмыстармен таныстырды. Сондықтан, әрбір өркениетті қоғам үшін сыбайлас жемқорлықпен күрес ең өзекті мәселе, яғни сыбайлас жемқорлықпен күресті күшейту - әрқайсымыздың азаматтық боршымыз болып табылады.

Ават ауылдық кітапханасының кітапханашысы Сайбусинова Г. ұйымдастыруымен 25 сәуір күні О.Мухаммадий атындағы орта мектепте Рухани жаңғыруға байланысты «Сіз, латынға көшудің маңыздылығы неде деп ойлайсыз?» атты әлеуметтік сауалнама жүргізілді.

Рухани жаңғыру талабы бойынша, қазақ тілін латын әліпбиіне көшіру мәселесін қолдау, көпшіліктің пікірін білу, латын әліпбиіне көшу, қоғамыздың жақсы дамуына әсер ететінін көпшілікке түсіндіру мақсатында өткізілді.

26 апреля 2019 года работники районной библиотеки посетили Есикский археологическо-краеведческий музей, где у экспонатов и выставок библиотекарь Свининникова Г. провела увлекательный рассказ об интересной археологической находке века – Золотом человеке, ставшем впоследствии символом Казахстана, и об истории и культуре саков.

Бәйдібек би ауылдық кітапханасы 2019 жылдың 24 сәуірінде Н.Островский орта мектебінің 4 сынып оқушыларымен Халықаралық балалар кітабы күніне байланысты "Білім көзі- кітапта" атты танымдық сабақ өткізді. Іс- шараға 24 бала қатысып, өз ойларын ортаға салды.

Ақши ауылдық кітапханасында 24-сəуір күні Халықаралық балалар кітап күніне орай "Кітап сенің жақын досың" атты танымдық сабақ ұйымдастырылды. Бұл іс-шараның мақсаты оқушыларға білімнің кітап арқылы берілетінін ұғындыру, ой-өрісін дамыту, кітапты құрметтей білуге, ұқыптылыққа, адамгершілікке тəрбиелеу. Осы іс-шара барысында кітапханашы Л.Жанаева "Балаларға базарлық" атты кітап көрмесімен таныстырды. Оқушылар кітапханадан қызықтыратын кітаптарын таңдап, өз ойларымен бөлісті.

Еңбекшіқазақ ауданы Ават ауылдық округінің мәдениет үйінде 22 сәуір күні «Ауылым – алтын бесігім» атты мәдениет үйлері мен клубтар арасында облыстық байқауы өтті. Ават ауылдық кітапханасы «Рухани жаңғыру – ұлттың ұлы мұратты» атты кітап көрмесін ұйымдастырып, келген қонақтар мен көпшілік қауымға таныстырып, іс-шараға атсалысты.

Аудандық кітапханада 18 сәуір күні «Қаныш-ұлт мақтанышы» атты буктравел өтті. Бұл іс-шараға Қ. Сәтбаев атындағы орта мектептің 7- сынып оқушылары , ұстаздары, кітапханашылары қатысып, Қаныш Сәтбаев атамыздың қазақ халқына деген аса алуан махаббатпен, еңбекпен келген еңбектерін, қызметтерін еске ала отырып, жүріп өткен жолдарын атқарған қызыметтері туралы, қызықты- қызықты материалдармен бөлісіп, ой- пікірлерін ортаға салды. Қаныш атамыздың туғанына 120 жыл толуына орай,көптеген мақалалар мен шағын шығармалар жазылып та жатыр. Дегенмен оқушылармен өткен бұл буктравелдан (кітаптарға саяхат) біз де, оқушылар да, аздап болса да, рухани азық алдық деп ойлаймыз.

18 - сәуір халықаралық ескерткіштерді қорғау күніне орай әрбір тарих және мәдениет ескерткіштерін насихаттау, тарихи-мәдени мұраны көпшілікке таныту, ескерткіштерге құрметпен қарауға тәрбиелеу, патриотизмді нығайту мақсатында Еңбекшіқазақ ауданы Нұра ауылында «Тарихы терең, тағзымы биік –ескерткіштер» атты өлкетану сағаты өткізілді.
Мәдени-тағылымдық іс-шараны өткізудегі мақсат – тарихи өлкеміздің рухани және құнды мұраларын көздің қарашығындай сақтау, жастардың Отанға, елге, жерге деген патриоттық сезімін арттыру, ескерткіштер мен тарихи жәдігерлерді сақтауға үйрету. Шара барысында кітапхана қызметкері К.Есимова кітапхана оқырмандарына ескерткіштер туралы жан-жақты мағлұмат берді.

Ават ауылдық кітапханасында «Кітап – мәңгілік құндылық» атты кітапханаға саяхат өткізілді. Бұл іс-шараға О. Мухаммадий атындағы орта мектептің оқушылары қатысты. Мақсаты: Кітап оқудың пайдасы көп екенін түсіндіру, оқушыларды кітап оқуға балу, кітапты сүюге, қадірлеуге тәрбиелеу, кітапқа деген қызығушылығын арттыру. Рухани жаңғыруға байланысты шыққан кітаптарға тоқталып, ерекше таныстырылып өтілді және «Бір ел – бір кітап» көрмесімен және «Тәуелсіз ел – мәңгілік ел» атты кітап көрмесіне де шолу жасалды.