25 шілде  Қаражота ауылдық мəдениет үйінің қызметкерлері және ауылдық кітапхананың кітапханашысы Ж.Ботамбаеваның ұйымдастыруымен,  Қаражота ауылдық мəдениет үйінде сағат 10:00 де "Достық - татулық белгісі" атты пікірталас өткізілді. Пікірталастың мақсаты: адам бойындағы болатын достық сезім қасиеттері қастерлі сезім екендігіне көз жеткізу, достық сезімді бойларына сіңіріп, оған басшылық жасай білуге, досқа деген адалдық, шексіз ықылас сезімдерін бағалай білуге жəне адал достықты жалған достықтан айыра білуге тəрбиелеу. Пікірталас барысында оқушылар 2 топқа бөлініп, ситуациялық сұрақтарға жауап беріп, мақал-мəтелдерді толықтырып, ұлы даналарымыздың достық туралы нақыл сөздеріне тоқталып, бір-бірлерімен пікір алысып, достық сөзіне сөзжұмбақ шешті.

19 шілде күні  Еңбекшіқазақ ауданы әкімінің аудандық кітапханасының  кітапханашылыры, халқымыздың аяулы перзенті, қазақ сатирасының классигі, ақын, Қазақстан Жазушылар Одағы сыйлығының иегері Оспанхан Әубәкіровтың туғанына биыл 85 жыл толуына орай «Әзілімнің салмағы бар» атты әңгіме сағатын өткізді. Іс-шараға Абылай хан атындағы орта мектеп жанындағы лагерінің оқушылары, ұстаздары қатысты.  Кітапханышы Г.Дуйсембинова О.Әубәкіровтың өмірбаяны, шығармалары, баларға арналған өлең-жыр, ертегі, мақал-мәтел, пьесаларымен таныстырып, жұмбақтар жасырып, ертегілерінен үзінді оқыды. Кітапханашы Р.Курбанова «Әзілімнің салмағы бар» тақырыпта слайд көрсетті.

Еңбекшіқазақ ауданы  Түрген ауылдық кітапханасында 4 шілде күні Астана күніне орай  «Астана-арман қала» атты тақырыпта орта буын оқушылар арасында сторителлинг (әңгіме айтып беру) өткізді.  Кітапxанашы А.Карбозова оқушыларға Астана қаласының тариxы туралы айтып, көркем ғимараттарымен таныстырды.