Еңбекшіқазақ ауданы Ақши ауылдық кітапханасында 27-қыркүйек күні сағат 13.30-да 5-сынып оқушыларымен сынып жетекшісі А.Омаркулованың қатысуымен Бейімбет Майлиннің туғанына 125 жыл толуына орай "Бейімбет-ұлылардың ұлағаты" атты танымдық сағаты өтті. Кітапханашы Л.Жанаева Б.Майлиннің өмірбаяны,  шығармашылығы туралы көптеген   мəліметтермен бөлісті. Іс-шараның соңында осы тақырыпқа байланысты кітап көрмеге шолу жасады. Қатысқан адам саны -21. Бұл іс-шараның мақсаты: Қазақтың үш бəйтерегінің бірі Бейімбет Майлинді еске алу, өткен тарихымызды тану. 

Түрген ауылдық кітапханасының кітапханашысы А.Карбозованың ұйымдастыруымен Д.Қонаев атындағы орта мектептің орта буын оқушыларының қатысуымен 13 қыркүйек күні "Түркістан -  ежелгі қала" атты іс-шарасы өткізілді. Еліміздің тарихын, тарихи қалаларын насихаттау, оқушыларға Түркістан қаласы туралы мәлімет беріп, қаланың тарихы туралы етене таныстыру, еліне, жеріне деген сүйіспеншіліктерін арттыру мақсатында өткізілді. Кітапханашы Г.Сайбусинова Түркістан V-VIғ. іргетасы қаланған. ХІV-ХVІІІ ғ. Қазақ хандығының Астанасы болған, Оңтүстік Қазақстан облысында орналасқан,-дей келе Түркістан қаласы туралы егжей-тегжейлі айтып өтті.

Еңбекшіқазақ ауданы әкімінің аудандық кітапханасы мен Есік гуманитарлық-экономикалық колледжінің ұйымдастыруымен  тілдер күніне орай 11 қыркүйек күні  «Ана тілі - бәріміздің анамыз» атты азаматтық форум өтті. Аудандық кітапхананың әдіскері Г.Саурықова  «Тіл - халықтың сан ғасырлық тарихы. Ана тілі жоқ ел мемлекет болып өмір сүруі мүмкін емес. Әлемдегі кез келген халық тәуелсіздікке ұлттық қадір-қасиетін, мәдениетін, ана тілін сақтап қалу үшін ұмтылады. Сондықтан, әрбір мемлекет өзінің ана тілін әрқашан да қастерлеу керек» -  екендігін айтты. Іс-шараға «Алматы облысының «Тіл» оқу-әдістемелік орталығы» Еңбекшіқазақ аудандық филиалының меңгерушісі Н. Рахымбаева, «Рухани жаңғыру» орталығының маманы Д.Коканова, кітапханашылар, колледж ұстаздары мен студенттері, барлығы 60 адам қатысты. Іс-шараның  мақсаты: студенттерге туған жерге, Отанға, ана тіліне деген сүйіспеншілігін қалыптастыру, инабатты, халқын, салтын сүйетін, тілін құрметтейтін тұлға қалыптастыру, саналы азамат ұрпақ тәрбиелеу. Шараға қатысушылар тілге қатысты ой- толғап, пікір таластырды. Кітапханашы Г.Дүйсембинова тақырып аясында слайд көрсетті.